ក្រុមជម្រើសជាតិកម្ពុជា នឹងជួបក្រុមជម្រើសជាតិជប៉ុននាថ្ងៃទី១៧ ខែវិច្ឆិកា ឆ្នាំ២០១៥ ខាងមុខនេះនៃការប្រកួតបាល់ទាត់ពិភពលោកវគ្គជម្រុះក្នុងពូល E ជុំទី២ ជើងទី២ ប្រចាំតំបន់អាស៊ីនៅពហុកីឡដ្ឋានជាតិដែលមានការផ្សាយផ្ទាល់តាមរយៈទូរទស្សន៍ BTV ។ តើជំនួបនេះលោក Lee Tae Hoon ជាគ្រូបង្វឹក នឹងដាក់អ្នកណាឲ្យចាំទីសម្រាប់ជម្រើស១១នាក់ដំបូងរវាង អ៊ុំ សេរីរ័ត្ន និងស៊ូ យ៉ាទី?
ឡាករ ស៊ូ យ៉ាទីកី
លោក Lee Tae Hoon បានប្រាប់ឲ្យដឹងក្រោយពេលក្រុមជម្រើសជាតិកម្ពុជាត្រឡប់មកពីប្រកួតជាមួយអាហ្វហ្គានីស្ថានវិញថា សម្រាប់ជំនួបជប៉ុនលោកមិនទាន់ប្រាកដថា នឹងដាក់អ្នកចាំទីរូបណាឲ្យជាប់ជម្រើស ១១នាក់ដំបូងឡើយ ប៉ុន្តែលោកយល់ឃើញថាអ្នកចាំទីរបស់កម្ពុជា អ៊ុំ សេរីរត្ន និងស៊ូ យ៉ាទី សុទ្ធតែល្អដូចគ្នា។
គ្រូបង្គោលរូបនេះបន្តថា រវាងអ្នកចាំទីទាំងពីរមានចំណុចពិសេសរៀងៗ ខ្លួន។ នៅតំបន់ប្រអប់គ្រោះថ្នាក់របស់អ្នកចាំទីលោកគិតថា សេរីរ័ត្ន មានភាពរហ័ស និងឆ្លាតជាង យ៉ាទី បន្តិច។ អ្នកចាំទីរបស់ក្រសួងការពារជាតិរូបនេះនៅក្មេង និងមានពេលវេលាច្រើនក្នុងការបង្កើនកម្រិតបច្ចេកទេសរបស់ខ្លួនឲ្យបានកាន់តែប្រសើរឡើង។
លោក Lee Tae Hoon បាននិយាយថា ៖«បើនិយាយឲ្យត្រង់ទៅ អ៊ុំ សេរីរ័ត្ន យល់ដឹងច្រើន និងឆ្លាតជាង យ៉ាទី នៅក្នុងប្រអប់អ្នកចាំទី»។ ទោះបីជាបែបនេះក្ដីក៏ជម្រើស ១១នាក់របស់កម្ពុជាក្នុងថ្ងៃជួបជប៉ុនមិនទាន់ច្បាស់ថាអ្នកណាមួយឡើយ។
កីឡាករ អ៊ុំ សេរីរ័ត្ន
សម្រាប់អ្នកចាំទី អ៊ុំ សេរីរ័ត្ន បានជាប់ជម្រើស ១១នាក់ដំបូងកាលប្រកួតជាមួយអាហ្វហ្គានីស្ថានចំនួនបីលើកក្នុងការប្រកួតបាល់ទាត់ពិភពលោកវគ្គជម្រុះជុំទី២នេះ។ ចាំទីជួបអាហ្វហ្គានីស្ថានលើកទី១ ចាញ់១-០ នៅពហុកីឡដ្ឋានជាតិ ចាំទីលើកទី២ ចាញ់សិង្ហបុរី ២-១ នៅសិង្ហបុរី និងលើកទីបីចាញ់ ៣-០ នៅប្រទេសអ៊ីរ៉ង់ថ្មីៗនេះ ប៉ុន្តែមានរបួស និងបានដាក់ខ្សែការពារ នេន សុធារ័ត្ន ឲ្យចាំទីជំនួសវិញដោយសាពេលនោះក្រុមជម្រើសជាតិកម្ពុជាបានផ្លាស់ប្ដូរគ្រប់ចំនួន ៣នាក់។ ចំណែក ស៊ូ យ៉ាទី វិញក៏បានធ្លាប់ធ្វើបានល្អកាលប្រកួតជាមួយជប៉ុនជើងទី១ បើទោះបីពេលនោះកម្ពុជាចាញ់៣-០ ក៏រូបគេបានបង្ហាញទម្រង់លេងយ៉ាងល្អ ដោយសង្គ្រោះបាល់ពីការសម្រុករបស់ម្ចាស់ផ្ទះជប៉ុនជាច្រើនលើកផងដែរ៕
ចំពោះអ្នកគាំទ្រកម្ពុជាវិញគិតថា តើអ្នកចាំទីរូបណា នឹងជាប់ជម្រើស ១១ នាក់ដំបូងរវាង អ៊ុំ សេរីរ័ត្ន និង ស៊ូ យ៉ាទី ?
ដោយ មុន្នី proleng khmer
No comments:
Post a Comment