(វ៉ាស៊ីនតោន)៖ អាជ្ញាធរសហរដ្ឋអាម៉េរិក បានចោទប្រកាន់ទៅលើបុរស និងស្ត្រីចំនួន៦៦នាក់ ពីបទពាក់ព័ន្ធនឹងការចូលរួមរៀបចំគម្រោង វាយប្រហារជាមួយពួកឧទ្ទាមរដ្ឋឥស្លាម ISIS នៅលើទឹកដីសហរដ្ឋអាម៉េរិក ក្នុងនោះរួមទាំងជនភៀសខ្លួនមួយចំនួនតូចផងដែរ នេះបើយោងតាមសេចក្តីរាយការណ៍របស់ភ្នាក់ងារសារព័ត៌មាន Daily Mail ចេញផ្សាយនៅថ្ងៃទី១៨ ខែវិច្ឆិកា ឆ្នាំ២០១៥នេះ។
សូមជម្រាបថា ក្រុមភេវរករទាំងនោះភាគច្រើនមានគោលដៅវាយប្រហាររដ្ឋធានីវ៉ាស៊ីនតោនឌីស៊ី ព្រមទាំងបានប្តេជ្ញាថា នឹងបញ្ច្រៀបបណ្តាញរបស់ខ្លួននៅលោកខាងលិច ព្រមទាំងបង្កការបង្ហូរឈាមតាមគម្រោងរបស់ខ្លួន។ អ្វីដែលគួរឲ្យបារម្ភនោះគឺ ការគំរាមក្នុងការវាយប្រហារមួយចំនួន ក៏ចេញពីសំណាក់យុវជនសហរដ្ឋអាម៉េរិកផ្ទាល់តែម្តង ដែលបានផ្លាស់ប្តូរជឿទៅលើពួកឧទ្ទាមISIS តាមរយៈការអូសទាញតាមប្រព័ន្ធអ៊ីនធើណែត៕
No comments:
Post a Comment