គ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី រៀបចំយុទ្ធនាការ “អេ អឹម ខេ នៅជិតបង្កើយ” ដើម្បីផ្សព្វផ្សាយពីការផ្ដល់អត្ថប្រយោជន៍ ពិសេសដល់អតិថិជន គឺការបញ្ចុះតម្លៃសេវាផ្ទេរប្រាក់មកត្រឹមតែ ១.០០០រៀល ឬ ០,២៥ដុល្លារ ឬ ១០បាត សម្រាប់រាល់ប្រតិបត្តិការផ្ទេរប្រាក់ ដែលអ្នកផ្ទេរប្រាក់ ឬ អ្នកទទួលប្រាក់ ឬទាំងសងខាង មានគណនីសន្សំនៅ អេ អឹម ខេ រហូតដល់ថ្ងៃទី ២៩ ខែកុម្ភៈ ឆ្នាំ២០១៦។
ក្នុងគោលបំណងជួយកាត់បន្ថយការចំណាយលើថ្លៃសេវាផ្ទេរប្រាក់ដល់អតិថិជន ដែលមានតម្រូវការផ្ទេរប្រាក់ទៅកាន់មនុស្សជាទីស្រលាញ់ ឬដៃគូអាជីវកម្ម នៅរាជធានីភ្នំពេញ បណ្ដាខេត្ត និងនៅបណ្តាទីប្រជុំជននានាទូទាំងប្រទេស អេ អឹម ខេ ផ្ដល់ជូនការបញ្ចុះតម្លៃពិសេសជូនដល់អតិថិជន ដែលមានទំហំទឹក ប្រាក់ផ្ទេររហូតដល់ ២.០០០.០០០រៀល ឬ ៥០០ដុល្លារ ឬ ២០.០០០បាត។ ថ្លៃសេវាផ្ទេរប្រាក់ពិសេសនេះ គឺសម្រាប់អតិថិជិជន ដែលមានគណនីសន្សំជាមួយ អេ អឹម ខេ។
ចំពោះអតិថិជនដែលពុំទាន់មានគណនីសន្សំជាមួយ អេ អឹម ខេ ក៏អាចទទួលបានការបញ្ចុះតម្លៃពិសេសនេះផងដែរ ដោយគ្រាន់តែមកបើកគណនី សន្សំនៅតាមភ្នាក់ងារ ឬការិយាល័យ អេ អឹម ខេ ដោយភ្ជាប់មកជាមួយអត្តសញ្ញាណប័ណ្ណ ឬឯកសារផ្សេងៗទៀតដែលមានតម្លៃស្មើបន្ទាប់មកអាចធ្វើការផ្ទេរប្រាក់បានភ្លាមៗ។
ដើម្បីផ្ដល់ព័ត៌មានពិសេសនេះទៅកាន់អតិថិជនគោលដៅរបស់ខ្លួន អេ អឹម ខេ បានជ្រើសរើសមធ្យោបាយផ្សព្វផ្សាយជាច្រើនដូចជា តាមរយៈទូរទស្សន៍ វិទ្យុ កាសែត បណ្តាញសារព័ត៌មានអេឡិចត្រូនិក ផ្ទាំងទូរទស្សន៍ LED ស្តង់ផ្សព្វផ្សាយគ្រប់ការិយាល័យសាខា អនុសាខា ភ្នាក់ងារ និងសកម្មភាពផ្សព្វផ្សាយ របស់បុគ្គលិក អេ អឹម ខេ ទូទំាងប្រទេសជាដើម។
ក្រៅពីការផ្សព្វផ្សាយពីការផ្ដល់ថ្លៃសេវាផ្ទេរប្រាក់ពិសេសត្រឹមតែ ១.០០០រៀលនេះ អេ អឹម ខេ ក៏មានការណែនាំ ពីសេវានៅតាមភ្នាក់ងារផងដែរ ដែល អេ អឹម ខេ ចាត់ទុកថាជា អេធីអឹម ចេះនិយាយនៅជិតបង្កើយជាមួយអតិថិជនទូទាំងប្រទេស ។
គួររំលឹកផងដែរថា ក្នុងរយៈពេលប៉ុន្មានឆ្នាំចុងក្រោយនេះ អេ អឹម ខេ ត្រូវបានគេទទួលស្គាល់ថាជា គ្រឹះស្ថានមីក្រូហិរញ្ញវត្ថុដែលឈានមុខគេលើ ចំនួនអតិថិជន ហើយបច្ចុប្បន្ននេះ អេ អឹម ខេ កំពុងតែផ្ដល់សេវាហិរញ្ញវត្ថុដ៏សំបូរបែបជូនអតិថិជនរបស់ខ្លួនរួមមាន សេវាប្រាក់កម្ចី សន្សំ ផ្ទេរប្រាក់ សេវាទូទាត់វិក្កយបត្រ សេវាបើកប្រាក់បៀវត្សរ៍ ម៉ាស៊ីនដក និងដាក់ប្រាក់ស្វ័យប្រវត្តិ (ATM & CDM) និងសេវាធានារ៉ាប់រងខ្នាតតូចជាដើម។
បន្ថែមលើនេះទៀត អេ អឹម ខេ ក៏បាន និងកំពុងបន្តពង្រីកតំបន់ប្រតិបត្តិការរបស់ខ្លួនផងដែរ ។ បើគិតត្រឹម ខែកញ្ញា ឆ្នាំ២០១៥ នេះ អេ អឹម ខេ មានការិយាល័យ១៤៣ ភ្នាក់ងារជាង ២.៥០០កន្លែង និងបុគ្គលិកជាង ២.០០០នាក់ ដែលកំពុងតែបម្រើអតិថិជនជិត ៤៣ម៉ឺននាក់ នៅទូទាំងប្រទេស៕
ដោយ មុន្នី proleng khmer
No comments:
Post a Comment