ក្រុមអតីតសិស្សសាលាអូរដានឹងបង្កើតកម្មវិធីជួបជុំមួយរវាងអតីតសិស្ស និងលោកគ្រូអ្នកគ្រូ នៅវិទ្យាល័យន.រណឬទ្ធិគន្ធបុប្ផា (ហៅសាលាអូរដា) ដែលស្ថិតនៅក្នុងស្រុកព្រៃឈរ ខេត្តកំពង់ចាម នៅថ្ងៃទី១២ ខែធ្នូ ឆ្នាំ២០១៥ ខាងមុខនេះ។ នេះគឺជាកម្មវិធីជួបជុំលើកដំបូង ដែលក្រុមអតីតសិស្សសាលាអូរដាបានបង្កើតឡើង។
កម្មវិធីនេះមិនត្រឹមតែជាការជួបជុំអតីតសិស្ស និងគ្រូប៉ុណ្ណោះទេ ប៉ុន្តែក៏ជាឱកាសសម្តែងការដឹងគុណដល់លោកគ្រូអ្នកគ្រូ ដែលបានផ្តល់នូវដំបូន្មានល្អៗកន្លងមក ហើយជាពិសេសគឺដើម្បីបំផុស ជំរុញ និងលើកទឹកចិត្តដល់សិស្សប្អូនទាំងអស់ដែលកំពុងជួបការលំបាក ឱ្យតំាងចិត្តខិតខំរៀនសូត្រដើម្បីបញ្ចប់ការសិក្សាដោយជោគជ័យ។ មួយវិញទៀត កម្មវិធីនេះក៏មានគោលបំណងអំពាវនាវសែ្វងរកជំនួយ និងការឧបត្ថម្ភពីសប្បុរសជននានា ដើម្បីជួយកសាង និងជួសជុលហេដ្ឋារចនាសម្ព័ន្ធរបស់សាលា និងជួយដល់លោកគ្រូ អ្នកគ្រូ និងសិស្សានុសិស្សរាប់ពាន់នាក់ដែលកំពុងខ្វះខាត។
មកទល់ពេលនេះក្រុមអតីតសិស្សសាលាអូរដា បានទទួលជំនួយ និងការឧបត្ថម្ភពីលោក Ashok Kumar សប្បុររសជនជាតិសិង្ហបុរី នូវថវិកាសម្រាប់ជួសជុលបណ្ណាល័យទំាងមូល ទទួលបានសៀវភៅអានគ្រប់ប្រភេទចំនួន១៥៥ក្បាលពីគ្រឹះស្ថានបោះពុម្ពផ្សាយMindbooksដែលធ្វើឡើងតាមរយៈលោក គីម ចាន់ណា ជំនួយជាភេសជ្ជៈគ្រប់ប្រភេទពីក្រុមហ៊ុន កូកាកូឡា (Coca Cola) និងកូនឈើប្រណិតចំនួន១០០ដើម សម្រាប់រៀបចំធ្វើឧទ្យានឈើប្រណិតខ្មែរនៅទីធ្លាសាលាពីព្រះតេជគុណ ពៅ សុថា និង ងឹម សៅសំខាន់ គង់នៅវត្តបុទុមវត្តី រាជធានីភ្នំពេញ។
ក្នុងកម្មវិធីជួបជុំនេះ ក៏មានការសម្ពោធដាក់ឲ្យប្រើប្រាស់នូវសមិទ្ធផល ដូចជា បន្ទប់កុំព្យូទ័រ បណ្ណាល័យ ឧទ្យានឈើប្រណិតខ្មែរ និងការតុបតែងលម្អបរិស្ថាននៅក្នុងទីធ្លាសាលាផងដែរ។ សប្បុរសជននៅតែអាចចូលរួមគាំទ្រតាមរយៈការឧបត្ថម្ភជាថវិកា សម្ភារៈសិក្សា ក៏ដូចជាឧបករណ៍ការិយាល័យផ្សេងៗ មិនថាចាស់ ឬថ្មីនោះទេ។
ហេតុដូច្នេះ តាងនាមឲ្យក្រុមអតីតសិស្សសាលាអូរដា សិស្សានុសិស្ស និងជាពិសេសលោកគ្រូអ្នកគ្រូទាំងអស់ យើងខ្ញុំសូមអំពាវនាវដល់សប្បុរសជនទាំងឡាយ ជាពិសេសគឺអតីតសិស្ស និងមិត្តភក្តិនៅវិទ្យាល័យអូរដាទាំងអស់ សូមមេត្តាជួយឧបត្ថម្ភ ឬចូលរួមក្នុងកម្មវិធីជួបជុំនេះនៅថ្ងៃទី១២ ខែធ្នូ ឆ្នាំ២០១៥ ដើម្បីជួយអភិវឌ្ឍសាលារៀនយើង ហើយលើសពីនេះទៀត គឺដើម្បីសំណេះសំណាល និងរំលឹកអនុស្សាវរីយចាស់ៗ ពង្រឹង និងពង្រីកចំណងមិត្តភាពឡើងវិញ។
ហេតុដូច្នេះ តាងនាមឲ្យក្រុមអតីតសិស្សសាលាអូរដា សិស្សានុសិស្ស និងជាពិសេសលោកគ្រូអ្នកគ្រូទាំងអស់ យើងខ្ញុំសូមអំពាវនាវដល់សប្បុរសជនទាំងឡាយ ជាពិសេសគឺអតីតសិស្ស និងមិត្តភក្តិនៅវិទ្យាល័យអូរដាទាំងអស់ សូមមេត្តាជួយឧបត្ថម្ភ ឬចូលរួមក្នុងកម្មវិធីជួបជុំនេះនៅថ្ងៃទី១២ ខែធ្នូ ឆ្នាំ២០១៥ ដើម្បីជួយអភិវឌ្ឍសាលារៀនយើង ហើយលើសពីនេះទៀត គឺដើម្បីសំណេះសំណាល និងរំលឹកអនុស្សាវរីយចាស់ៗ ពង្រឹង និងពង្រីកចំណងមិត្តភាពឡើងវិញ។
No comments:
Post a Comment