កូនប្រុសអាយុ ៦៥ឆ្នាំឈ្មោះ Jiang Huaxin និងម្ដាយអាយុ ៨៧ឆ្នាំឈ្មោះ Xia Suqing បានដើរលើផ្លូវតែមួយនៅចន្លោះផ្ទះពួកគាត់មួយថ្ងៃពីរដង នៅទីក្រុងឆុងឈីង ភាគនិរតីប្រទេសចិន អស់រយៈពេលជាង ៥ឆ្នាំហើយ ដោយបានចម្ងាយផ្លូវសរុបជាង ១២៧៧៥គីឡូម៉ែត្រ។
រៀងរាល់ថ្ងៃនៅម៉ោង ៥ និង៤០នាទីល្ងាច បន្ទាប់ពីទទួលទានបាយជាមួយម្ដាយរួច លោកតា Jiang ត្រូវជូនម្ដាយទៅផ្ទះ។ នៅម៉ោង ៧ព្រឹក គាត់ត្រូវដើរដូចនេះត្រឡប់ទៅយកម្ដាយមកផ្ទះល្វែងរបស់គាត់វិញ។ ចម្ងាយផ្លូវរវាងផ្ទះទាំងពីរគឺ ៣,៥គីឡូម៉ែត្រ ហើយអ្នកទាំងពីរដើរបែបនេះរយៈពេល ៥ឆ្នាំហើយ។
លោកតា Jiang ប្រាប់ថាម្ដាយរបស់គាត់ចូលចិត្តគេងនៅក្នុងផ្ទះចាស់របស់ខ្លួនណាស់។ លោកតាមានបងប្រុសម្នាក់បានស្លាប់ក្នុងឆ្នាំ ២០០៩ទៅហើយ ដែលបន្ទុកត្រូវមើលថែម្ដាយទាំងស្រុងគាត់ត្រូវរ៉ាប់រង។
ដោយសារតែម្ដាយរបស់គាត់ទទូចចង់គេងនៅផ្ទះចាស់ លោកតា Jiang ត្រូវជួនម្ដាយទៅផ្ទះរៀងរាល់ល្ងាច ហើយយកមកនៅផ្ទះគាត់វិញរៀងរាល់ព្រឹក។ លោកតាបន្ត៖ “ម្ដាយខ្ញុំចាស់ណាស់ហើយ ដូច្នេះខ្ញុំត្រូវដើរជាមួយគាត់បន្តិចម្ដងៗ ប៉ុន្តែគ្រូពេទ្យបានស្នើឲ្យគាត់ដើរបានច្រើនជាងនេះទៀត”។
នៅក្នុងឆ្នាំ ២០១០ លោកយាយ Xia បានវះកាត់ផ្លាស់ឆ្អឹងជើង ដោយគ្រូពេទ្យផ្ដល់ដំបូន្មានឲ្យដើរយ៉ាងតិច ២ម៉ោងក្នុងមួយថ្ងៃ។ ដើរចម្ងាយ ៣,៥គីឡូម៉ែត្រ ប្រើក្មេងៗត្រូវប្រើពេល៤០នាទី តែលោកយាយដើរយឺតៗ ប្រើពេលជាង ៣ម៉ោង ដូច្នេះគាត់សន្សំបានអាយុជាង ១០០នាទីក្នុងមួយថ្ងៃៗ៕
No comments:
Post a Comment