និស្សិតស្រីជាប់អាហារូបករណ៍ នៅបារាំងម្នាក់បានប្រាប់ថា នាងមានភាពភ័យខ្លាចខ្លាំងណាស់ក្រោយបន្ទុះគ្រាប់បែកនៅប៉ារីសសម្លាប់មនុស្សយ៉ាងសាហាវកាលពីថ្ងៃសុក្រកន្លងទៅ។ ប៉ុន្តែយ៉ាងណានាងនៅតែមិនចង់ត្រលប់មកខ្មែរវិញ បើទោះកងកម្លាំងទ័ពអាកាសរបស់បារាំងបានបើកការវាយប្រហារទម្លាក់គ្រាប់បែកដោយយន្តហោះ១០គ្រឿងដើម្បីសងសឹកក្រុម ISIS ក៏ដោយ។
កញ្ញា ជន មុន្នីរ័ត្ន
“ខ្ញុំពិតជាខ្លាចខ្លាំងមែន។ ក្រុមគ្រួសារ និងមិត្តភ័ក្ដិជាច្រើនបានសួរសុខទុក្ខខ្ញុំតាមទូរសព្ទស្ទើរតែគ្រប់ពេល ហើយពួកគេចង់ឲ្យខ្ញុំត្រលប់មកវិញ។ តែខ្ញុំមិនអាចទៅខ្មែរវិញបានទេ ព្រោះខ្ញុំមិនទាន់បញ្ចប់ការសិក្សានៅទីនេះនៅឡើយ ។ ខ្ញុំមានសុទិដ្ឋិនិយមថា ប្រធានាធិបតីបារាំងនឹងការពារពួកយើង ដូចអ្វីដែលគាត់បានសន្យា”។ កញ្ញា ជន មុន្នីរ័ត្ន និស្សិតជំនាញច្បាប់ផ្នែកសាការី លើអចលនទ្រព្យនគររូបនីយកម្ម និងសំណង់នៅបារាំង អះអាងដូច្នេះ។
កញ្ញាបានប្រាប់ពីស្ថានភាពនៅទីនោះថា ចំពោះទីក្រុងផ្សេងៗនៅបារាំង គឺមានសភាពធម្មតា ប្រជាជន ដើរចេញក្រៅដូចសព្វដង ព្រមទាំងសាលារៀនក៏ដំណើរការធម្មតាដែរ។ លើកលែងតែនៅប៉ារីសទេ ដែលមានសភាពស្ងប់ស្ងាត់ជាងមុន ព្រោះមនុស្សម្នាមិនសូវដើរចេញក្រៅឡើយ។ សារមន្ទីរ ទីសាធារណៈសំខាន់ៗត្រូវបានបិទ ការប្រគុំតន្ត្រីក៏ត្រូវរំសាយចោលដែរ ប៉ុន្តែពោរពេញដោយការយាមកាមស្ទើរគ្រប់កន្លែង និងពង្រឹងសន្តិសុខកាន់តែច្រើនជាងមុន។ សូម្បីតែនៅសាលារៀនក៏មានប៉ូលិសច្រើនដែរ។
“ចំពោះស្ថានភាពនៅទីក្រុងផ្សេងៗក្រៅពីប៉ារីស អាចនិយាយថា ធម្មតា គ្រាន់តែមានប៉ូលិសយាមល្បាតនៅតាមផ្លូវនិងទីកន្លែងសាធារណៈសំខាន់ៗជាច្រើនប៉ុណ្ណោះ”។ នីរ័ត្នបញ្ជាក់។
ដោយសារប្រធានាធិបតីបារាំងបានចេញសេចក្ដីប្រកាសថា នឹងកាន់ទុក្ខរយៈពេល៣ថ្ងៃ កញ្ញា ប្រាប់ថា ម្ល៉ោះហើយមនុស្សជាច្រើនបានយកផ្កានិងទៀនដើម្បីធ្វើពិធីស្មឹងស្មាធ និងឧទិ្ទសដល់វិញ្ញាណក្ខន្ធអ្នកស្លាប់ ព្រមទាំងបួងសួងឲ្យប៉ារីសមានសេចក្ដីសុខ។
កញ្ញាបានប្រាប់ពីស្ថានភាពនៅទីនោះថា ចំពោះទីក្រុងផ្សេងៗនៅបារាំង គឺមានសភាពធម្មតា ប្រជាជន ដើរចេញក្រៅដូចសព្វដង ព្រមទាំងសាលារៀនក៏ដំណើរការធម្មតាដែរ។ លើកលែងតែនៅប៉ារីសទេ ដែលមានសភាពស្ងប់ស្ងាត់ជាងមុន ព្រោះមនុស្សម្នាមិនសូវដើរចេញក្រៅឡើយ។ សារមន្ទីរ ទីសាធារណៈសំខាន់ៗត្រូវបានបិទ ការប្រគុំតន្ត្រីក៏ត្រូវរំសាយចោលដែរ ប៉ុន្តែពោរពេញដោយការយាមកាមស្ទើរគ្រប់កន្លែង និងពង្រឹងសន្តិសុខកាន់តែច្រើនជាងមុន។ សូម្បីតែនៅសាលារៀនក៏មានប៉ូលិសច្រើនដែរ។
“ចំពោះស្ថានភាពនៅទីក្រុងផ្សេងៗក្រៅពីប៉ារីស អាចនិយាយថា ធម្មតា គ្រាន់តែមានប៉ូលិសយាមល្បាតនៅតាមផ្លូវនិងទីកន្លែងសាធារណៈសំខាន់ៗជាច្រើនប៉ុណ្ណោះ”។ នីរ័ត្នបញ្ជាក់។
ដោយសារប្រធានាធិបតីបារាំងបានចេញសេចក្ដីប្រកាសថា នឹងកាន់ទុក្ខរយៈពេល៣ថ្ងៃ កញ្ញា ប្រាប់ថា ម្ល៉ោះហើយមនុស្សជាច្រើនបានយកផ្កានិងទៀនដើម្បីធ្វើពិធីស្មឹងស្មាធ និងឧទិ្ទសដល់វិញ្ញាណក្ខន្ធអ្នកស្លាប់ ព្រមទាំងបួងសួងឲ្យប៉ារីសមានសេចក្ដីសុខ។
និស្សិតជាច្រើនរួមទាំងសាស្ត្រាចារ្យ នាំគ្នាស្លៀកពាក់ឈុតខ្មៅ ដើម្បីកាន់ទុក្ខ ប៉ុន្តែមិនទាំងអស់គ្នាឡើយ ប្រជាជនខ្លះគេស្លៀកពាក់អាវពណ៌ធម្មតាផងដែរ។
ការវាយប្រហារភេរវកម្មក្រុងប៉ារីសនៅយប់ថ្ងៃសុក្រកន្លងទៅ បានសម្លាប់មនុស្សយ៉ាងហោចណាស់ ១២៩ នាក់ និងរបួស៣៥២នាក់ផ្សេងទៀត ដោយពួក ISIS បានចេញមុខមកអះអាងថា សោកនាដកម្មនេះ ជាទង្វើរបស់ខ្លួន។ ក្រោយពីមានហេតុការណ៍នេះ ភ្លាមប្រធានាធិតីបារាំង បានដាក់ប្រទេសក្នុងគ្រាអាសន្ន ហើយបានបើកការវាយប្រហារសងសឹកលើក្រុម ISIS៕
ដោយ មុន្នី proleng khmer
ដោយ មុន្នី proleng khmer
No comments:
Post a Comment