ធនាគារស្វីស Credit Suisse បានចេញផ្សាយរបាយការណ៍ថា ចិនជាប្រទេសមានទ្រព្យសម្បត្តិច្រើនលំដាប់ទី២ លើពិភពលោក បន្ទាប់ពីអាមេរិក ក្រោយវ៉ាដាច់ជប៉ុន។ នេះបើតាមការឱ្យដឹងរបស់បណ្ដាញសារព័ត៌មានបរទេស។
ចំណែករបាយការណ៍ពី Reuters News Agency បានបង្ហាញថា បើយោងតាមការគណនាតម្លៃរូបិយប័ណ្ណ ក្នុងពេលបច្ចុប្បន្ន តម្លៃទ្រព្យសម្បត្តិលើពិភពលោក ធ្លាក់ចុះមកសល់ត្រឹម ២៥០ ទ្រីលានដុល្លារ ពោលគឺធ្លាក់អស់ ១២,៤ ទ្រីលានដុល្លារ បើគិតជាភាគរយ ៤,៧%។ ការធ្លាក់ចុះដោយសារដុល្លារអាមេរិក ធ្វើឱ្យប៉ះពាល់លើរូបិយប័ណ្ណសំខាន់ៗដទៃទៀត និងបានរារាំងដល់លំហូរចរន្តភាគហ៊ុន និងអចលនទ្រព្យ។
អាមេរិកមានទ្រព្យសម្បត្តិសរុប ៨៥,៩ ទ្រីលានដុល្លារ ចំណែក ចិនមាន ២២,៨ ទ្រីលានដុល្លារ និងជប៉ុន ១៩,៨ ទ្រីលានដុល្លារ ហើយនៅក្នុងឆ្នាំ ២០២០ គេរំពឹងថាទ្រព្យសម្បត្តិសរុបរបស់ចិននឹងកើនឡើង ដល់ ៣៦ ទ្រីលានដុល្លារ ស្មើនឹង ១០,៤% នៃទ្រព្យសម្បត្តិពិភពលោកសរុប ៣៤៥ ទ្រីលានដុល្លារ ដែលនឹងធ្វើឱ្យចិនឈរនៅលំដាប់លេខពីរដដែល៕
ដោយ មុន្នី proleng khmer
No comments:
Post a Comment