ភូមិគ្រឹះមួយនៅរដ្ឋ Florida ដែលធ្លាប់ស្ថិតក្នុងចំណោមបញ្ជីគេហដ្ឋានថ្លៃជាងគេក្នុងសហរដ្ឋអាមេរិក ពេលនេះបានត្រឡប់មកក្នុងទីផ្សារអចលនទ្រព្យវិញ ហើយមានតម្លៃថ្លៃជាងមុនទៀត។
គេហដ្ឋានឈ្មោះ Le Palais Royal ទំហំ៥៥៧៤,១៨ម៉ែត្រការ៉េ ក្នុងអំឡុងមួយឆ្នាំពេលមិនទាន់សង់បង្ហើយរួច គឺមានតម្លៃ១៣៩លានដុល្លារ។ ពេលនេះការសង់ក្នុងគេហដ្ឋានបានរួចរាល់ជាស្ថាពរ រីឯតម្លៃក៏ឡើងតាមដែរគឺពេលនេះមានតម្លៃ១៥៩លានដុល្លារ។
គេហដ្ឋានប្រណិតធំស្កឹមស្កៃខាងលើមានលក្ខណៈពិសេសជាច្រើនដូចជា នៅជាប់ឆ្នេរសមុទ្រ Hillsboro មានកន្លែងសម្រាប់ធ្វើពិធីជប់លៀងនៅជាន់ក្រោមដី កន្លែងជិះរំអិលស្គីទឹកកក កន្លែងសម្រាប់ប្រណាំងរថយន្ត កន្លែងបោះប៊ូលលីង និងមានជាន់សម្រាប់ធ្វើជាក្លិបកម្សាន្តជាដើម។
សព្វថ្ងៃវាជាកម្មសិទ្ធិរបស់ លោក Robert Pereira ជាសេដ្ឋីខាងសំណង់ដែលមានបំណងរស់នៅ តែពេលនេះលោកបានប្តូរចិត្តនិងលក់វាចោល។ នេះបើតាម Wall Street Journal។
ខាងក្រោមជាទិដ្ឋភាពនៅខាងក្នុងគេហដ្ឋានប្រណិត Le Palais Royal៖
No comments:
Post a Comment