ពណ៌សម្បុរដៃ និងជើងក៏មានសារៈសំខាន់ដូចជាមុខរបស់អ្នកដែរ។ ជាញឹកញាប់ស្បែកនៅតំបន់នេះតែងតែប៉ះពាល់នឹងកាំរស្មី UV ធ្វើឲ្យស្បែកប្រែទៅជាពណ៌ទៅជាខ្មៅស្រអាប់។ ដូចច្នេះប្រសិនបើអ្នកចង់កម្ចាត់បញ្ហាស្បែកខ្មៅ និងធ្វើឲ្យដៃជើងរបស់អ្នកសស្អាតឆាប់រហ័ស សូមអនុវត្តតាមវិធីសាស្ត្រមួយចំនួនដូចខាងក្រោម៖
ក្រូឆ្មា និងអំបិល៖ អំបិលអាចជួយកម្ចាត់កោសិកាចាស់ៗដែលងាប់ ហើយក្រូចឆ្មាវិញជាភ្នាក់ងារប្រឆាំងនឹងស្នាមអុជខ្មៅៗ។ រោយអំបិលបន្តិចនៅលើដៃ និងជើងរបស់អ្នក បន្ទាប់មកយកក្រូចឆ្មាមកជូតពីលើ។ ក្រោយមកអ្នកនឹងឃើញស្បែកប្រែពណ៌ភ្លឺថ្លា និងសជាងមុន។
ទឹកដោះគោឆៅ៖ ម៉ាស្សាដៃ និងជើងរបស់អ្នកជាមួយនឹងទឹកដោះគោឆៅ អ្នកនឹងទទួលបានលទ្ធផលគួរឲ្យភ្ញាក់ផ្អើលបន្ទាប់ពីអនុវត្តរួច។
ទឹកដោះគោ និងសំបកក្រូចស្ងួត៖ យកម្សៅសំបកក្រូច ផ្សំជាមួយនឹងទឹកដោះគោទៅបិទនៅលើតំបន់ដែលអ្នកចង់ឲ្យស។ មិនតែប៉ុណ្ណោះអ្នកអាចយកល្បាយនេះទៅបិទនៅលើផ្ទៃមុខ រួចទុកចោលឲ្យបាន ២០នាទី សូមលាងសម្អាតចេញ។
ត្រសក់ ឬប្រទាលកន្ទុយក្រពើ៖ យកសាច់ប្រទាលកន្ទុយក្រពើ ឬត្រសក់មកត្រដុសនៅលើស្បែកឲ្យបាន ១០នាទី បន្ទាប់មកលាងសម្អាតចេញវិញ។
វិធីសាស្ត្រខាងលើនេះ អ្នកអាចជ្រើសរើសមួយណាក៏បានប្រសិនបើអ្នកគិតថាងាយស្រួល ហើយវាមានប្រសិទ្ធិភាពដូចគ្នា៕
ដោយ មុន្នី proleng khmer
No comments:
Post a Comment