យោងតាមការសិក្សាស្រាវជ្រាវថ្មីៗនេះបានឲ្យដឹងថា មនុស្សមួយចំនួនចាប់ផ្តើមទម្លាប់គេងស្រាត។ នេះជាការពិតមួយដ៏ល្អដែលការគេងស្រាតអាចជួយបង្កើនភាពស្និតស្នាលជាមួយនឹងគូស្នេហ៏របស់អ្នក, ងាយនឹងបង្កើតអារម្មណ៏សម្រើប និងមានក្តីសុខ, ជួយកាត់បន្ថយសម្ពាធឈាម, ជួយពង្រឹងប្រព័ន្ធភាពស៊ាំ និងកាត់បន្ថយអារម្មណ៏ធុញថប់។ សរុបមក ការគេងស្រាតធ្វើឲ្យអារម្មណ៏បានធូរស្បើយ ព្រោះគ្មានអ្វីមករឹតបណ្តឹង ឬរុំព័ទ្ធជុំវិញរាងកាយរបស់អ្នកក្នុងពេលកំពុងគេងឡើយ។
លើសពីនេះទៀត ការគេងស្រាតបានផ្តល់អត្ថប្រយោជន៏យ៉ាងខ្លាំង អាចជួយបង្កើនថាមពលផ្លូវភេទ និងធ្វើឲ្យអ្នកមានអារម្មណ៏កាន់តែពុះកញ្ជ្រោល។ ការគេងស្រាតក៏អាចជួយពង្រឹងដល់គុណភាពនៃការគេងផងដែរ។ វាធ្វើឲ្យគេងលក់បានស្កប់ស្កល់ ព្រោះសីតុណ្ហភាពក្នុងរាងកាយចុះអន់ថយ។
ម្យ៉ាងវិញទៀត អ្នកជំនាញបានណែនាំឲ្យគេងស្រាត ព្រោះវាជួយកាត់បន្ថយឱកាសនៃការកើនឡើងរបស់បាក់តេរី ដោយសារមានសំណើម និងកម្តៅតិច។ ជាការពិតណាស់ ទ្វារមាសនឹងមានសំណើមតិច, ឆ្លងមេរោគតិច, ធ្វើឲ្យពងស្វាសត្រជាក់, ជួយពង្រឹងសុខភាពបន្តពូជ។
ច្រើនជាងនេះទៀត ទម្លាប់នៃការគេងស្រាតក៏អាចផ្តល់អត្ថប្រយោជន៏ចំពោះស្បែកអ្នក ព្រោះស្បែកអាចដកដង្ហើមបានស្រួល ជួយកាត់បន្ថយការកើតជំងឺស្បែក។ ជាធម្មតា ស្បែករបស់អ្នកគ្របដណ្តប់ដោយសម្លៀកបំពាក់ពេញមួយថ្ងៃ វានឹងធ្វើឲ្យស្បែកចាប់ផ្តើមបញ្ចេញញើស។ដូច្នេះអាចឲ្យសារធាតុគីមីចេញពីខោអាវជ្រៀតចូលទៅក្នុងស្បែកតាមរយៈរន្ធរោមរបស់អ្នក។
ការគេងដោយមិនចាំបាច់ស្លៀកខោអាវគេងយប់ក៏អាចជួយសន្សំសំចៃថវិកាផងដែរ ព្រោះវាធ្វើឲ្យអ្នកមិនចាំបាច់ត្រូវចំណាយលុយគ្រួសាររបស់អ្នក។ អ្នកមិនចាំបាច់ត្រូវទិញ, បោកគក់ ឬអ៊ុតឡើយ។ ប្រសិនបើអ្នកគេងយប់ត្រជាក់ អ្នកអាចប្រើភួយដណ្តប់ខ្លួនរបស់អ្នកបាន។
តើការគេងស្រាតផ្តល់អត្ថប្រយោជន៏អ្វីខ្លះទៅ?
ភាពសុខស្រួល
នៅពេលអ្នកស៊ាំនឹងការគេងស្រាតហើយ អ្នកនឹងមិនត្រលប់ទៅទម្លាប់ចាស់ ស្លៀកខោអាវគេងយប់ទៀតឡើយ ព្រោះអ្នកមិនចង់បញ្ឈប់អារម្មណ៏សុខស្រួលរបស់អ្នកទេ។ អ្នកប្រាកដជាពេញចិត្តនឹងអារម្មណ៏ពេលមិនស្លៀកខោទ្រនាប់, អាវទ្រនាប់ និងខោអាវគេងយប់, ដែលទីបំផុតនឹងធ្វើឲ្យអ្នកមានក្តីសុខ និងមានអារម្មណ៏ល្អ។
គេងលក់បានស្រួល
ការគេងស្លៀកខោអាវគេងយប់ពិតជាមិនសុខស្រួលឡើយ ជាពិសេសប្រសិនបើវាស្អិតជាប់ ឬទាក់នឹងកម្រាលពូក ដែលអាចបណ្តាលឲ្យកើតសុបិន្តអាក្រក់ ឬធ្វើឲ្យគេងមិនលក់។ ប៉ុន្តែ នៅពេលអ្នកគេងស្រាត អ្នកនឹងអាចគេចផុតពីភាពរំខាន ធ្វើឲ្យគេងលក់បានស្រួល។
ជួយពង្រឹងគុណភាពស្បែក
ដូចដែលបានលើកឡើងខាងលើ ការគេងស្រាតជួយពង្រឹងគុណភាពស្បែក ព្រោះស្បែករបស់អ្នកអាចដកដង្ហើមចេញចូលបានស្រួល។ អ្វីដែលសំខាន់ជាងនេះទៀត អាអូនតូចរបស់អ្នកនឹងស្ងួត ហើយជួយពង្រឹងសុខភាពផ្លូវភេទរបស់អ្នកបានល្អ។ លើសពីនេះទៀត វាធ្វើឲ្យតំបន់ឯកជន, ក្លៀក និងជើងរបស់អ្នកគេចផុតពីគ្រោះថ្នាក់ដោយសារជំងឺសើស្បែក។
ជួយសម្រួលដល់ ករទីសូល
ការគេងស្រាតជួយសម្រួលដល់សីតុណ្ហភាពរាងកាយរបស់អ្នក ដូច្នេះរាងកាយរបស់អ្នកអាចផលិត ករទីសូល បានតាមធម្មតា។ ដូច្នេះ ប្រសិនបើរាងកាយរបស់អ្នកក្តៅពេលកំពុងគេង កម្រិត ករទីសូល របស់អ្នកនឹងនៅតែឡើងខ្ពស់ បើទោះបីជាពេលក្រោកពីគេងហើយក៏ដោយ។ បញ្ហានេះទីបំផុតនឹងធ្វើឲ្យអ្នកចាប់ផ្តើមធុញថប់, ស្រេកឃ្លានអាហារមិនល្អចំពោះសុខភាព និងឡើងទម្ងន់។ ដូច្នេះ ការគេងស្រាតអាចជួយធ្វើសមតុល្យកម្រិត ករទីសូល របស់អ្នក។
ធ្វើឲ្យជាតិមេឡាតូនីន និងអរម៉ូនមានសមតុល្យនឹងគ្នា
អ្វីដែលសំខាន់ ការគេងស្រាតអាចជួយឲ្យរាងកាយសម្រួលដល់កម្រិតជាតិមេឡាតូនីន និងអរម៉ូន ទាំងពីរយ៉ាងនេះអាចជួយបន្ថយភាពចាស់ និងជួយឲ្យមានសុខភាពល្អប្រសើរបំផុត៕
No comments:
Post a Comment