នៅក្នុងកម្មវិធីជីវិតមួយឈ្មោះ Life Help អ្នករាយការណ៍ម្នាក់នៅទីក្រុង Qingdao បានទិញភេសជ្ជៈតែគុជមួយកែវពីហាងក្នុងតំបន់ ហើយក្រោយពីពិសាវាអស់ គេបានទៅមន្ទីរពេទ្យដើម្បីថត CT ដោយនៅទីនោះរូបភាពបង្ហាញឲ្យឃើញថា ពោះគេពោរពេញដោយគុជដែលមិនស្គាល់ប្រភពទាំងនោះ ។
អ្នកវិទ្យាសាស្ត្រនៅមជ្ឈមណ្ឌលពិសោធន៍គីមីរបស់សាកលវិទ្យាល័យទីក្រុង Qingdao ក៏មិនទាន់អាចកំណត់អត្តសញ្ញាណបានដែរថា តើគុជទាំងនោះផលិតឡើងពីអ្វីដែរ ។
ការសម្ភាសន៍ដោយសម្ងាត់ជាមួយនឹងម្ចាស់ហាងតែគុជជាច្រើននៅជុំវិញទីក្រុងបានបង្ហាញថា ម្ចាស់ហាងទាំងនោះភាគច្រើនមិនដឹងថា គុជដែលគេលក់នោះផលិតឡើងពីអ្វីទេ គ្រាន់តែគេដឹងថា វាផលិតពីជាតិគីមីសុទ្ធសាធ ហើយដើម្បីឲ្យវាស្វិត គេប្រហែលជាផលិតវាចេញកៅស៊ូស្បែកជើង និងកង់ឡានចាស់ៗ តែទោះជាយ៉ាងនេះក្ដី គេមិនទាន់អាចបញ្ជាក់ឲ្យច្បាស់១០០% ទេថា តើវាពិតជាផលិតចេញពីកង់ឡាន ឬកៅស៊ូស្បែកជើងមែនអត់ ។
គុជខ្មៅដែលគេប្រើសម្រាប់ដាក់ភេសជ្ជៈនេះបាន ទទួលការពេញនិយមយ៉ាងខ្លាំងកាលពីវាចេញជាលក់ជាលើកដំបូង តែបានធ្លាក់ប្រជាប្រិយភាពទៅវិញនៅឆ្នាំ២០១២ ក្រោយពីរបាយការណ៍របស់ប្រទេសអាល្លឺម៉ង់មួយបញ្ជាក់ថា ការបរិភោគវាច្រើនអាចនឹងធ្វើឲ្យកើតជំងឺមហារីក ប៉ុន្តែទោះជាយ៉ាងនេះក្ដៅ វានៅតែពេញនិយមចំពោះប្រជាជនចិន ។
គួររម្លឹកថា គុជខ្មៅប្រភេទនេះក៏ទទួលបានការពេញនិយមខ្លាំងណាស់ដែរពីសំណាក់យុវវ័យក្នុងប្រទេសកម្ពុជាកាលពីប៉ុន្មានឆ្នាំមុន តែមកទល់ពេលនេះ ទោះជាវាមិនពេញនិយមខ្លាំងដូចមុន ប៉ុន្តែទីផ្សារនៃការប្រើប្រាស់គុជនេះដាក់ភេសជ្ជៈនៅតែមានដដែល ។
ដោយ មុន្នី proleng khmer
No comments:
Post a Comment