អ្នកម្តាយបំបៅកូនគួរតែមានការប្រុងប្រយ័ត្នចំពោះអ្វីដែលខ្លួនទទួលទាន និងទទួលទានជាតិស្រវឹង ព្រោះវាបានប៉ះពាល់ដល់ទឹកដោះ។ តាមរយៈការស្រាវជ្រាវជាច្រើនបានបង្ហាញថា ទារកនឹងបាត់បង់ភាពស្រេកឃ្លាន ឬកើតជំងឺគេងពុំលក់ ប្រសិនបើអ្នកម្តាយបំបៅដោះកូនជាមនុស្សញៀននឹងជាតិស្រវឹង។
ហើយការជក់បារីនេះផងដែរ ក៏អាចបណ្តាលឲ្យទារកស្លាប់ភ្លាមៗផងដែរ។ នៅពេលជាតិស្រវឹងជ្រៀបចូលទៅក្នុងទឹកដោះ វាធ្វើឲ្យខូចសុខភាពរបស់ទារក។
ខាងក្រោមនេះជាផវិបាកនៃការជក់បារី និងទទួលទានជាតិស្រវឹងក្រោយពេលសម្រាលរួច៖
ការពិតទី ១
កុំគិតថា ការទទួលទានទឹកច្រើនអាចជួយកម្ចាត់ជាតិស្រវឹងចេញពីក្នុងទឹកដោះរបស់អ្នកបាន។ ត្រូវនៅឲ្យឆ្ងាយពីជាតិស្រវឹងរយៈពេល ៣-៤ថ្ងៃសិន ទើបជាតិស្រវឹងក្នុងរាងកាយរបស់អ្នកសាបអស់។
ការពិតទី ២
ថ្នាំ, បារី និងសូរាជាសារធាតុអាក្រក់អាចប៉ះពាល់ដល់កូនរបស់អ្នកតាមរយៈទឹកដោះ។ អ្វីដែលសំខាន់អ្នកម្តាយត្រូវមានទំនួលខុសត្រូវក្នុងកំឡុងពេលមានផ្ទៃពោះ និងក្នុងដំណាក់កាលបំបៅដោះកូន។
ការពិតទី ៣
ការជក់បារីក្រោយពេលសម្រាលកូនរួចអាចជួបនឹងបញ្ហា ២យ៉ាង។ ទី ១បារីបានបញ្ចូនសារធាតុគីមីពុលទៅកូនរបស់អ្នកតាមរយៈទឹកដោះ ហើយទី២ ការផលិតទឹកដោះនឹងត្រូវចុះអន់ថយ។
ការពិតទី ៤
តាមការសិក្សាស្រាវជ្រាវបានអះអាងថា អ្នកម្តាយដែលជក់បារី និងសេពជាតិស្រវឹងតែងតែបណ្តាលឲ្យកូនឧស្សាហ៏ឈឺញឹក ហើយកម្រិតប្រព័ន្ធភាពស៊ាំចុះខ្សោយ។
ការពិតទី ៥
បើយោងតាមការស្ទាបស្ទង់កាលពីថ្មីៗនេះបានឲ្យដឹងថា អ្នកម្តាយដែលជក់បារី និងផឹកស្រាក៏អាចធ្វើឲ្យទារកមានបញ្ហាផ្លូវដង្ហើមក្នុងកំឡុងពេល ២-៣ឆ្នាំដំបូង៕
ដោយ មុន្នី proleng khmer
No comments:
Post a Comment