ក្រុមភ្ញៀវ Real Madrid មានឱកាសនាំមុខម្ចាស់ផ្ទះ Sevilla ១គ្រាប់មុនទៅហើយដោយខ្សែការពារ Sergio Ramos ជាអ្នកធ្វើបានត្រឹមនាទី២២ ប៉ុន្តែបានជាង១០នាទី Immobile រកបានគ្រាប់បាល់ស្មើវិញ ដោយការស៊ុតបាល់សឹងតែអស់មុំទៅហើយ។ ចូលដល់តង់ទី២ ក្រុម Sevilla បែរជាបង្ហាញទម្រង់លេងល្អជាងអធិរាជសទៅវិញ ហើយថែមទាំងរកបាន២គ្រាប់នៅនាទី ៦១ និង៧៤។ នៅចុងម៉ោងទៅហើយ James Rodriguez រកបានមួយគ្រាប់វិញ ដោយការបញ្ចូលបាល់ទី Bale ។ ចប់ការប្រកួត Sevilla ៣-២ Real Madrid ។
ចំពោះមួយគូទៀត Barcelona មិនពិបាកយកឈ្នះក្រុម Villarreal នោះទេ ដោយ៣គ្រាប់ដែលពួកគេរកបានគឺ Neymar ២គ្រាប់និង Luis Suarez មួយគ្រាប់។ អ្វីដែលគេសរសើរក្នុងប្រកួតនេះគឺមួយគ្រាប់ចុងក្រោយរបស់ Neymar ដែលប្រើក្បាច់ពិសេស ឆ្កើះបាល់ផុតពីខ្សែការពារហើយស៊ុតបញ្ចូលទីតែម្ដង។
លទ្ធផលយប់មិញនេះដែរ បានធ្វើឱ្យក្រុមអ្នកមានបុណ្យឡើងទៅឈរលេខមួយកំពូលតារាង La Liga ប៉ុណ្ណោះអាសន្នហើយ ដោយនាំមុខពិន្ទុ Real Madrid ៣ពិន្ទុ៕
ដោយ មុន្នី proleng khmer
No comments:
Post a Comment