កិច្ចប្រជុំថ្នាក់ដឹកនាំកំពូលរបស់បណ្ដាប្រទេស G20 បានប្រព្រឹត្តកន្លងទៅថ្មីៗក្នុងទីក្រុង Antalya ប្រទេសតួកគី ពីថ្ងៃ១៥ ដល់១៦ វិច្ឆិកា ក្នុងនោះក៏មានការពិភាក្សាលើកឡើងអំពីបញ្ហាទាក់ទងអំពើភេរវកម្មនៅទីក្រុងប៉ារីសផងដែរ។
តើ G20 ជាអ្វីៗ? ហើយមានបណ្ដាប្រទេសប៉ុន្មានជាសមាជិក?
G20 គឺមកពីពាក្យពេញថា Group of Twenty គឺជាសន្និបាតរបស់បណ្ដារដ្ឋាភិបាលនៃប្រទេសសេដ្ឋកិច្ចលូតលាស់ធំៗពី២០ប្រទេសនៅលើពិភពលោកជាសេដ្ឋកិច្ចដែលតំណាងឲ្យពីរភាគបីនៃប្រជាជនលើពិភពលោក។
សមាជិកនៃ G20 មាន៖ អាហ្សង់ទីន អូស្ត្រាលី ប្រេស៊ីល កាណាដា ចិន បារាំង អាល្លឺម៉ង់ ឥណ្ឌា ឥណ្ឌូណេស៊ី អ៊ីតាលី ជប៉ុន កូរ៉េខាងត្បូង ម៉ិកស៊ីកូ រុស្ស៊ី អារ៉ាប៊ីសាអូឌិត អាហ្វ្រិកខាងត្បូង តួកគី ចក្រភពអង់គ្លេស សហរដ្ឋអាមេរិក និងសហភាពអឺរ៉ុប។
នៅក្នុងជំនួបថ្នាក់ដឹកនាំកំពូលរបស់ G20 ដែលបានប្រព្រឹត្តទៅរយៈពេល២ថ្ងៃនៅប្រទេសតួកគី គឺ១៥ ដល់ថ្ងៃទី១៦ វិច្ឆិកាម្សិលមិញបានពិភាក្សាអំពីការជំរុញកំណើនសេដ្ឋកិច្ចជាសាកល ដោយឡែកក្នុងនោះក៏បានប្រជុំពិភាក្សាគ្នាអំពីបញ្ហាដែលបានកើតដោយការវាយប្រហារពីក្រុមភេរវករក្នុងប្រទេសបារាំងនាពេលកន្លងទៅថ្មីនេះៗ ដែលរបៀបវារៈក្នុងកិច្ចប្រជុំពិភាក្សាទាក់ទងនឹងនោះមានដូចជា៖
- ហិរញ្ញវត្ថុរបស់បណ្ដាញភេរវជន។
- ស្ថានភាពដឹកនាំរបស់ក្រុមភេរវករ រួមមានការពង្រីកខ្លួន និងការជ្រើសរើសចូលជាបណ្តាញភេរវជន។
- ការគំរាមកំហែងដោយការកើនឡើងក្រុមសកម្មប្រយុទ្ធភេរវកម្មបរទេស។
- ស្ថានភាពដឹកនាំរបស់ក្រុមភេរវករ រួមមានការពង្រីកខ្លួន និងការជ្រើសរើសចូលជាបណ្តាញភេរវជន។
- ការគំរាមកំហែងដោយការកើនឡើងក្រុមសកម្មប្រយុទ្ធភេរវកម្មបរទេស។
ជារៀងរាល់ឆ្នាំថ្នាក់ដឹកនាំនៃបណ្ដាប្រទេស G20 អញ្ជើញភ្ញៀវពីប្រទេសផ្សេងៗដើម្បីចូលរួមចំណែកក្នុងរបៀបវារៈផ្សេងៗដើម្បីធានាឲ្យបាននូវទស្សនវិស័យអន្តរជាតិ។ ក្រៅពីនេះ G20 ក៏មានការចូលរួមពីអង្គការក្រៅរដ្ឋាភិបាល និងការគាំទ្រដោយអង្គការអន្តរជាតិផងដែរ៕
ដោយ មុន្នី proleng khmer
No comments:
Post a Comment