ថ្មីៗនេះមន្ត្រីប៉ូលិសបារាំងបានបង្ហាញរូបថតបុរសសញ្ជាតិបារាំងម្នាក់ដែលជាប់ពាក់ព័ន្ធក្នុងរឿងវាយប្រហារនៅទីក្រុងប៉ារីសដែលបានឆក់យកជីវិតមនុស្សយ៉ាងតិច១២៩នាក់។
តាមមន្ត្រីប៉ូលិសស៊ើបអង្កេតបារាំងបានឲ្យដឹងថាបុរសដែលមានឈ្មោះ Salah Abdeslam អាយុ២៦ឆ្នាំនោះ ត្រូវគេកំណត់អត្តសញ្ញាណថាជាអ្នកជួលឡានដែលប្រើប្រាស់ក្នុងការវាយប្រហារ។
ប៉ូលិសស៊ើបអង្កេតបានកំណត់បានថា Abdeslam បានជួលឡាន VW Polo មួយគ្រឿងរួចទុកចោលនៅក្បែរកន្លែងដែលកើតហេតុ មហោស្រព Bataclan ដែលមនុស្សជាច្រើននាក់បានស្លាប់។
កាលពីព្រឹកថ្ងៃសៅរ៍ កន្លងទៅ Abdeslam បានធ្វើដំណើរឆ្លងទៅព្រំដែនចូលទៅប្រទេសបែលហ្ស៊ិក។ មន្ត្រីប៉ូលិសបានឃាត់ សាកសួរបុរសរូបនេះនៅតាមផ្លូវ A2 Motorway (ផ្លូវធ្វើដំណើរពីក្រុងប៉ារីស និងក្រុងព្រុចសែលប្រទេសបែលហ្ស៊ិក) តែប៉ូលិសព្រំដែនមិនទាន់បានដឹងដំណឹងក៏អនុញ្ញាតឲ្យបុរសនោះទៅ។
ទោះជាមុនពេលសញ្ញាប្រាប់ដំណឹងពីបុរសម្នាក់នេះ បានទៅដល់អាជ្ញាធរប្រទេសបែលហ្ស៊ិកក៏ដោយ បុរសស្ថិតតាមការតាមចាប់ Abdeslam បានទុកឡានចោលក្នុងទីក្រុង Molenbeek ប្រទេសបែលហ្ស៊ិក និងបានគេចខ្លួនបាត់ទៅហើយ។
ពេលនេះប្រតិបត្តិការតាមចាប់ខ្លួនបុរសខាងលើបានចាប់ផ្ដើមហើយ៕
ដោយ មុន្នី proleng khmer
No comments:
Post a Comment