អ្នកជំនាញខាងក្រពះពោះវៀន បានបង្ហាញថា ប្រូបាយអូទិកគឺជាអតិសុខុមប្រាណមានជីវិតដែលរស់នៅក្នុងខ្លួនរបស់មនុស្ស ព្រមទាំងផ្ដល់សារប្រយោជន៍ច្រើន ជាពិសេសជួយព្យាបាលជំងឺរាគ។
អ្នកស្រីសាស្ត្រាចារ្យ Jossie Mariano Rogacion ប្រធានផ្នែកជំងឺក្រពះពោះវៀន ជំងឺគ្រាប់ឈាម និងអាហារូបត្ថម្ភរោគកុមារនៃសាកលវិទ្យាល័យហ្វីលីពីន Philippine General Hospital បានឱ្យដឹងថា អតិសុខុមប្រាណពោះវៀន ឬម្យ៉ាងទៀតហៅថា បាក់តេរីល្អរបស់ពោះវៀនផ្ដល់នូវផលប្រយោជន៍ជាច្រើនដល់មនុស្សដូចជា ការពារទប់ទល់ នឹង បាក់តេរីកាច ការរំលាយអាហារ ការស្រូបយកសារជាតិរ៉ែ និងសារជាតិល្អៗពីចំណីអាហារ។
អ្នកស្រីបានបន្តទៀតថា អតិសុខុមប្រាណនេះជួយសំយោគវីតាមីននិងភ្ញោចនូវមុខងារប្រព័ន្ធភាពស៊ាំរបស់មនុស្ស។ ប្រសិនបើមានការបាត់បង់តុល្យភាពនៃអតិសុខុមប្រាណឬបាក់តេរីល្អរបស់ពោះវៀន នោះវានឹងបង្កឱ្យមានជំងឺកើតឡើង ជាពិសេសគឺជំងឺរាគ។
ថ្លែងក្នុងពិធីសិក្ខាសាលប្រូបាយអូទិករបស់ Sanofi លោកស្រីសាស្ត្រាចារ្យJossie Mariano Rogacionបានបន្ថែមថាការសិក្សាជាច្រើនបានបង្ហាញថាប្រូបាយអូទិកមានសារប្រយោជន៍ កាន់តែច្រើនសម្រាប់ការព្យាបាលជំងឺរាគលើកុមារ។ ការប្រើប្រាស់ប្រូបាយអូទិកក្នុងការព្យាបាលជំងឺរាកលើកុមារអាចកាត់បន្ថយរយៈពេលនៃការរាគបន្តិចម្ដងៗតាំងពីថ្ងៃដំបូងនៃការព្យាបាល ហើយអាចកាត់បន្ថយគ្រោះថ្នាក់ដោយសារជំងឺរាកនៅថ្ងៃទី៤ នៃការព្យាបាលរហូតដល់៤០%។
លោកស្រីសាស្ត្រាចារ្យ ក៏បានណែនាំឲ្យប្រើប្រូបាយអូទិកក្នុងការព្យាបាលជំងឺរាគ ពិសេសជំងឺរាគលើកុមារព្រោះថាប្រូបាយអូទិកជួយពង្រឹងភាពស៊ាំរបស់ប្រព័ន្ធការពាររាងកាយ ទប់ស្កាត់ការជ្រៀតចូលនៃបាក់តេរីកាចតាមរយៈការដណ្ដើមយកទីតាំងរស់នៅ និងចំណីអាហារនៅក្នុងពោះវៀន។ ប្រូបាយអូទិកខ្លះដូចជា Enterogermina(អង់ទែរ៉ូជឺមីណា)ក៏អាចបញ្ចេញសារធាតុម៉្យាងហៅថាបាក់តេរីយ៉ូស៊ីន ដែលអាចសម្លាប់បាក់តេរីកាចមួយចំនួន៕
ដោយ មុន្នី proleng khmer
No comments:
Post a Comment