ខែកត្តិកចូលដល់ ធ្លាក់ខ្យល់ពីជើង គឺជាខែត្រជាក់ដែលអាចឲ្យអ្នកជួបបញ្ហាស្បែកផ្សេងៗ ដូចជាស្បែកស្ងួត និងស្បែកប្រេះស្រកាជាដើម។ ដើម្បីបង្ការនឹងបញ្ហាទាំងនោះ អ្នកប្រើប្រើផលិតផលផ្សេងៗ ប៉ុន្តែក្រៅពីនោះ អ្នកក៏អាចសាកល្បងធ្វើតាមវិធីងាយៗដោយខ្លួនឯងបានផងដែរ។
១. អំបិលលាយទឹកឃ្មុំ
អំបិលជាឱសថមួយសម្រាប់យកចេញនូវកោសិកាស្បែកចាស់ ចំណែកទឹកឃ្មុំវិញជួយផ្ដល់ជាតិសំណើមដល់ស្បែក និងបង្ការបញ្ហាស្បែកស្ងួត។ លាយអំបិលជាមួយទឹកឃ្មុំក្នុងបរិមាណសមស្របមួយ រួចដុសលើស្បែកថើរៗ ជាពិសេសកន្លែងកែងជើង និងម្រាមជើង។
២. ប្រេងដូង និងទឹកវ៉ាន់នីឡា
លាយបញ្ចូលប្រេងដូងកន្លះពែងជាមួយទឹកវ៉ាន់នីឡាសុទ្ធ និងស្ករសក្នុងបរិមាណស្មើគ្នា។ លាងស្បែកមុខនឹងទឹកឲ្យស្អាត រួចផ្ដិតយកល្បាយដែលលាយរួចមកលាបលើមុខ ជាចលនារង្វង់ឲ្យចូលសព្វក្នុងស្បែកមុខរួចលាងសម្អាតនឹងទឹកចេញ។
៣. ទឹកដោះគោជាមួយទឹកក្ដៅឧណ្ហៗ
លាយទឹកដោះគោ១ពែងចូលជាមួយទឹកក្ដៅឧណ្ហៗ៥ពែង។ ដាក់ត្រាំប្រអប់ជើងក្នុងទឹកដោះគោ និងទឹកដែលបានលាយ រយៈពេល៥នាទី។ បន្ទាប់មកម៉ាស្សាថ្នមរួចដុសនឹងថ្មខាត់ និងលាងសម្អាតចេញ។
៤. ត្របកផ្កាកុលាប
ចាក់ទឹកប្រេងដូងក្នុងក្រឡមួយរួចដាក់ត្របកផ្កាកុលាបខ្លះ និងស្ករសខ្លះក្នុងនោះ។ ទុករយៈពេល២ទៅ៣ថ្ងៃរួចយកវាមកប្រើលាបដុសលើស្បែក។
៥. កាហ្វេ
វិធីថែរក្សាស្បែកជៀសវាងបញ្ហាស្បែកស្ងួតអាចប្រើប្រាស់កាហ្វេបាន។ លាយកាហ្វេស្រស់ៗទើបឆុងកន្លះពែងជាមួយទឹកវ៉ាន់នីឡា ប្រេងអូលីវ និងស្ករត្នោត។ លាបមកលើស្បែក លើរាងកាយឲ្យសព្វរួចលាងសម្អាតនឹងទឹកចេញ៕
No comments:
Post a Comment