ក្រៅពីរូបសម្បត្តិខាងក្រៅដែលធ្វើឲ្យបុរសៗពេញចិត្តបំផុត នៅមានរឿងរ៉ាវជាច្រើនទៀតដែលផ្ទុយពីសម្រស់ និងផ្លូវភេទ។ មានបុរសៗមិនច្រើនទេដែលចូលចិត្តសម្គាល់មើលអ្វីៗគ្រប់យ៉ាងប្លែកៗ ឬចាំចាប់កំហុសរបស់មនុស្សស្រី។ ជាធម្មតា បុរសៗតែងតែលង់ស្រឡាញ់នឹងមនុស្សស្រីដែលមានរូបសម្បត្តិស្រស់ស្អាត កែវភ្នែកគួរឲ្យទាក់ទាញ ឬបបូរមាត់គួរឲ្យខ្នាញ់។ តែទោះបីជាយ៉ាងណាក៏ដោយ មានរឿងរ៉ាវ ៦យ៉ាងដែលបុរសៗមិនគួរបាក់ចិត្តស្រឡាញ់មនុស្សស្រី ប្រសិនបើពួកអ្នកចង់ស្វែងរកស្នេហាយូរអង្វែង៖
ពូកែនិយាយបញ្ឈឺចិត្ត និងសើចចំអក
បុរសមួយចំនួនចូលចិត្ត តាមញ៉ែមនុស្សស្រីដែលនិយាយបញ្ឈឺ និងសើចចំអកឲ្យខ្លួនដើម្បីយកឈ្នះចិត្តរបស់នារីម្នាក់នោះ។ ប៉ុន្តែកុំលង់ស្រឡាញ់នាងព្រោះតែរឿងមួយនេះ ព្រោះវាមិនមែនជាស្នេហាពិតឡើយ។
តាមស្អិត
នេះជាប្រភេទមនុស្សស្រីដែលចង់បានអ្នកមកធ្វើជាកម្មសិទ្ធិលឿនបំផុត។ នៅដំណាក់កាលចាប់ផ្តើមដំបូងនៃស្នេហា វាពិបាកនឹងសម្គាល់មើលបញ្ហាទំនុកចិត្តរបស់មនុស្សស្រីបន្តិច។ ជាធម្មតា បញ្ហានេះត្រូវកើតឡើងក្រោយពេលស្នេហាជ្រាលជ្រៅជាមួយគ្នារួច។
ពូកែម្ញ៉ិកម្ញ៉ក់
បុរសៗចូលចិត្ត និងស្រឡាញ់មនុស្សស្រីដែលចូលចិត្តធ្វើឬកម្ញ៉ិកម្ញ៉ក់។ ពួកគេចូលចិត្តភាពម្ញ៉ិកម្ញ៉ក់ពីកំណើតរបស់មនុស្សស្រី ព្រោះវាគួរឲ្យស្រឡាញ់ វាធ្វើឲ្យគាត់សប្បាយចិត្ត ហើយបង្ហាញឲ្យគាត់ដឹងថា ការចែចង់កាន់តែមានភាពងាយស្រួល។ ប៉ុន្តែអ្នកត្រូវយល់ពីភាពខុសគ្នារវាងស្ថានភាពនៃភាពម្ញ៉ិកម្ញ៉ក់ពីធម្មជាតិ និងភាពម្ញ៉ិកម្ញ៉ក់ហួសហេតុ។
បុរសៗភាគច្រើននឹងស្អប់មនុស្សស្រី ព្រោះតែនាងចូលចិត្តប្រើកាយវិកានេះចំពោះមនុស្សគ្រប់រូបមិនថា ជាមិត្តស្និតស្នាល, មនុស្សមិនស្គាល់គ្នា ឬក៏ថៅកែរបស់នាងឡើយ។
មនុស្សស្រីដែលចូលចិត្តសប្បាយច្រើន
នៅពេលបុរសបានជួបនាងជាលើកដំបូង គាត់នឹងគិតថា នាងធ្វើឲ្យគាត់មានកម្លាំងចិត្ត។ នាងជាមនុស្សគួរឲ្យស្រឡាញ់, មិនចេះកើតទុក្ខ ហើយជាមនុស្សដែលស្រឡាញ់គូស្នេហ៏របស់ខ្លួន។ នៅពេលស្នេហារបស់អ្នកបានជ្រាលជ្រៅហើយ អ្នកនឹងបានដឹងថា ពេញមួយជីវិតរបស់នាងចង់តែចូលរួមក្នុងពិធីជប់លៀងតែប៉ុណ្ណោះ។ ហើយនៅពេលពិធីជប់លៀងកន្លងផុតទៅ នាងលែងមានក្តីសុខ និងរឡេករឡក់តទៅទៀត។
ពេលខ្លះ ភាពរួសរាយអាចជាភាពសប្បាយរីករាយក្នុងចំណែកមួយដ៏តូច ប៉ុន្តែមនុស្សស្រីដែលចូលចិត្តពិធីជប់លៀងមិនធ្លាប់គិតអ្វីវែងឆ្ងាយឡើយ។ ដូច្នេះ គួរតែរកមនុស្សស្រីណាដែលមិនគិតថា មិនចូលចិត្តពីធីជប់លៀងប្រសើរជាង។
និយាយច្រើន
វាជារឿងមួយដែលមិនល្អ ហើយក៏មិនអាក្រក់ដែរចំពោះមនុស្សស្រីដែលចូលចិត្តនិយាយច្រើន។ មនុស្សស្រីមួយចំនួនចូលចិត្តនិយាយច្រើន ព្រោះពួកនាងចូលចិត្តចែករំលែកគំនិត នៅពេលពិភាក្សាអំពីប្រធានបទដែលនាងចាប់អារម្មណ៏។ តែទោះបីជាយ៉ាងណា បុរសៗមិនចូលចិត្តមនុស្សស្រីដែលចេះតែផ្តល់យោបល់ឲ្យគាត់ ក្នុងពេលពិភាក្សាប្រធានបទណាមួយ ឬនៅពេលនាងរំខានគាត់ នៅពេលគាត់កំពុងសន្ទនា។
តាមដានគ្រប់ពេល
មនុស្សស្រីពិតជាសប្បាយចិត្តនឹងទាក់ទងបុរសដែលខ្លួនពេញចិត្តខ្លាំងបំផុត ប៉ុន្តែវាមិនមែនមានន័យថា នាងត្រូវតាមដានមគាត់ជារៀងរាល់ថ្ងៃនោះឡើយ។ នេះជាប្រភេទមនុស្សស្រីដែលចូលចិត្តចង់ដឹងពីគ្រប់យ៉ាងរបស់មនុស្សប្រុសដោយគ្មានពេលកំណត់៕
ដោយ មុន្នី proleng khmer
No comments:
Post a Comment