មុននឹងមនុស្សម្នាក់អាចញញឹមក្នុងរឿងស្នេហា គេសុទ្ធតែធ្លាប់ឆ្លងកាត់នូវទឹកភ្នែករាប់រយដំណក់ ហើយទឹកភ្នែកនោះគឺជាភ្នែកឈឺចាប់បំផុត ដែលមនុស្សម្នាក់ធ្លាប់បានជួយប្រទះ។ ចំណងស្នេហ៍ដែលបែកបាក់នេះ អ្នកអាចតវាឲ្យជាប់គ្នាវិញបាន មិនមែនអាស្រ័យតែលើអ្នកម្ខាងនោះទេ គឺត្រូវសម្រេចចិត្តពីមនុស្សម្នាក់ទៀត ដែលជាការសម្រេចចិត្តរបស់គេផ្ទាល់ តើគេចង់តភ្ជាប់ចំណងនេះបន្តទៀត ឬក៏ត្រូវកាត់ផ្ដាច់វាចោលជារៀងរហូត? អូខេ! ប្រសិនបើម្ខាងទៀត យល់ព្រមតភ្ជាប់ហើយ វាគឺជាការពិចារណារបស់អ្នកវិញម្ដង។ ការពិចារណានៅពេលនេះសំខាន់ណាស់ ព្រោះបើសិនជាមិនបានគិតឲ្យបានគ្រប់ជ្រុងជ្រោយទេ ច្បាស់ជានឹងត្រូវដាច់ជាលើកទី២។ ខ្ញុំមិនអាចបង្រៀនអ្នកថាត្រូវធ្វើបែបណាខ្លះនោះទេ តែអ្នកអាចធ្វើការគិតទៅលើចំណុចមួយចំនួន។ តើអ្នកបែកគ្នាព្រោះតែមូលហេតុអ្វី? នរណាជាអ្នកសុំបែកគ្នាមុន?
នៅពេលដែលចម្លើយដ៏សំខាន់ទាំង២នេះ ឆ្លើយចេញ អ្នកនឹងអាចធ្វើការវិនិច្ឆ័យមួយដ៏ត្រឹមត្រូវ ថា តើគួរតភ្ជាប់ខ្សែចំណងស្នេហ៍នោះវិញឬទេ? ស្នេហាពេលខ្លះដូចជាផ្កា ប៉ុន្តែពេលខ្លះស្នេហា កខ្វក់ដូចជាភក់ជ្រាំអញ្ចឹង។ ដូច្នេះហើយ ការសាងស្នេហា មិនមែនមនុស្សគ្រប់គ្នាសុទ្ធតែអាចជោគជ័យលើវាបានដោយងាយៗនោះទេ៕
ដោយ មុន្នី proleng khmer
No comments:
Post a Comment