អាពាហ៏ពិពាហ៏នៅឆ្នេរសមុទ្រ
ប្រសិនបើអ្នកទាំងពីរបានរៀបការរួចហើយ តែអាចរៀបការ ឬកាត់ចំណងដៃម្តងទៀតសម្រាប់គំរប់ខួបអាពាហ៏ពិពាហ៏ ហើយធ្វើឲ្យពិធីកាន់តែពិសេស។ ពិធីមិនចាំបាច់ផ្លូវការឡើយ។ មនុស្សស្រីស្រឡាញ់អាពាហ៏ពិពាហ៏លើឆ្នេរខ្សាច់ និងស្លៀករ៉ូប ស ឯបុរសពាក់អាវធំមានបូរជាប់នឹងកអាវ។ នាំនាងទៅតំបន់ឆ្នេរខ្សាច់ណាមួយ, ជួលសម្លៀកបំពាក់ ហើយគ្រាន់តែអញ្ជើញមិត្តភក្តិ ២-៣នាក់ទៅ និងប្រារព្ធពិធីនេះឡើង។ នាងនឹងចងចាំពិធីមួយនេះច្រើនជាងពិធីអាពាហ៏ពិពាហ៏ទៅទៀត។
ពិសារអាហារពេលព្រឹកជាមួយគ្នានៅលើគ្រែនៅថ្ងៃចុងសប្តាហ៏
មនុស្សស្រីគ្រប់រូបចង់សម្រាកនៅថ្ងៃអាទិត្យ។ ពិសារអាហារពេលព្រឹកលើគ្រែជាមួយនាង។ គ្រាន់តែជាអាហារនំប៉័ងដុត និងដំណាប់ ទទួលទានជាមួយតែ ឬកាហ្វេធម្មតា វាពិតជាគ្រប់គ្រាន់ធ្វើឲ្យនាងសប្បាយចិត្ត។ ប្រសិនបើអ្នកមិនពូកែខាងធ្វើម្ហូបទេនោះ គ្រាន់តែក្រោកពីព្រលឹម រួចកម្ម៉ង់អាហារពេលព្រឹកពីកន្លែងជិតៗផ្ទះមកឲ្យនាង។
រាត្រីណាត់ជួបដោយមិនបានគ្រោងទុក
ការណាត់ជួបដែលរ៉ូមែនទិចតែងតែនៅក្នុងរដូវរងារ។ ទៅកក់បន្ទប់មួយនៅសណ្ឋាគារដែលអ្នកពេញចិត្តសម្រាប់ពេលរាត្រី។ ការក្រោកពីគេងឡើងនៅទីកន្លែងថ្មីក្នុងទីក្រុងតែមួយហាក់បីដូចជាគួរឲ្យចាប់អារម្មណ៏ និងដូចជាពេលវេលាសម្រាកដ៏មានក្តីសុខមួយក្នុងពេលបង្កាត់ភ្លើងស្នេហ៏ក្នុងពេលរាត្រីជាមួយគ្នា។
កម្ម៉ង់បទចម្រៀងឲ្យនាងស្តាប់
មនុស្សស្រីស្រឡាញ់អ្វីដែលរ៉ូមែនទិច និងអន្លង់អន្លោច និងបង្ហាញពីក្តីស្រឡាញ់ជាសាធារណៈបន្តិចបន្តួច។ មិនថា អ្នកនៅក្នុងរាត្រី DJ, តៀមស្រា ឬក៏នៅក្នុងភោជនីយដ្ឋានដែលមានប្រគំតន្ត្រីផ្ទាល់, អ្នកគួរកម្ម៉ង់បទចម្រៀងដែលនាងចូលចិត្តឲ្យនាងស្តាប់។ អ្នកនឹងបានឃើញទឹកមុខរីករាយ និងភ្នែករលីងរលោងដោយមានក្តីសុខដែលធ្វើឲ្យអ្នកមានមោទនភាពចំពោះអ្វីដែលអ្នកបានធ្វើឲ្យនាង។
សរសើរ ហើយសរសើរទៀត
ការសរសើរនឹងមិនបំផ្លាញអ្នកណាម្នាក់ឡើយ។ អ្នកមិនត្រូវកុហក, គ្រាន់តែសង្កេតមើល ហើយអ្នកនឹងរកឃើញនូវអ្វីដែលល្អអំពី សម្រស់, ការនិយាយស្តី និងស្នាមញញឹមរបស់នាង។ សង្កេតមើលពណ៌ក្រចកដៃថ្មី ឬក្រចកជើងថ្មីរបស់នាង។ អ្នកអាចសរសើរចំពោះក្លិនខ្លួននាង ឬឥរិយាបថនៃការដើររបស់នាង។ ជឿទេថា មនុស្សស្រីមិនចង់លឺពាក្យថា “សម្លៀកបំពាក់នាងស្អាត” ឬ ”នាងស្អាតណាស់” ឡើយ។
គម្រោងក្រេបទឹកឃ្មុំជាលើកទី ២
កុំចាត់ទុកថា រៀងរាល់ថ្ងៃឈប់សម្រាកជាថ្ងៃក្រេបទឹកឃ្មុំ ព្រោះវាមិនមែនឡើយ។ សណ្ឋាគារនឹងមិនចាត់ទុកអ្នកទាំងពីរដូចជាគូស្វាមីភរិយារៀបការថ្មីថ្មោងឡើយ មិនថា អ្នកធ្វើរឿងល្អដូចជាអ្នកធ្វើនៅថ្ងៃក្រេបទឹកឃ្មុំក៏ដោយ។ មនុស្សស្រីណាក៏ដោយក៏ពេញចិត្តដែរ ប្រសិនបើអ្នកបានកក់បន្ទប់ក្រេបទឹកឃ្មុំ និងតុបតែងដូចជាក្នុងរាត្រីរៀបការរបស់អ្នក។ មានអ្នកបើកឡានឲ្យ, អាហារពេលល្ងាចដ៏រ៉ូមែនទិច និងកាដូស្អាតៗអាចជាចំណែកមួយនៃដំណើរកំសាន្តដ៏គួរឲ្យភ្ញាក់ផ្អើលមួយនេះ។
តុបតែងដាក់ភ្លើងជុំវិញ
នាងរវល់តែនៅក្នុងផ្ទះបាយមែនទេ? ប្រើពេលវេលានេះ ដើម្បីតុបតែងបន្ទប់ឲ្យមានភាពរ៉ូមែនទិចដោយបន្ថែមភ្លើងពណ៌តូចៗ ឬទានក្រអូប ដូច្នេះបន្ទប់នឹងមានក្លិនក្រអូប និងមិនភ្លឺពេកសម្រាប់ពេលរាត្រី។ ក្រោយពីការងារហត់នឿយ, នាំគ្នាចូលទៅក្នុងបន្ទប់រ៉ូមែនទិចនេះ ព្រោះវាជាតម្រូវការពិសេសរបស់មនុស្សស្រី។
ជូនកាដូជាឈុតរ៉ូបឲ្យនាង
ជូនកាដូនាងជារ៉ូបក្រហម ឬខ្មៅ។ រក្សាវាទុកលើគ្រែ ដោយប្រើក្រដាសស្អិតតូចមួយសរសេរថា សុំឲ្យនាងស្លៀកវាសម្រាប់រាត្រីយប់នេះ៕
ដោយ មុន្នី proleng khmer
No comments:
Post a Comment