ព្រលានយន្តហោះថ្មីក្នុងទីក្រុងប៉េកាំងប្រទេសចិន នឹងក្លាយជាព្រលានយន្តហោះធំជាងគេលើពិភពលោក ក្រោយពេលសង់រួចរាល់ជាស្ថាពរនៅត្រឹមឆ្នាំ២០៤០។
លោក Wang Baoling អនុប្រធានក្រុមហ៊ុន Beijing SIA City Holdings Co. Ltd បានលើកឡើងក្នុងពិព័រណ៍នៃការបង្ហាញការរចនានៅក្រុងប៉េកាំងថា៖ “ព្រលានយន្តហោះថ្មីនឹងមានសមត្ថភាពជួយសម្រួលដល់ការធ្វើដំណើរផ្លូវអាកាសរបស់អ្នកដំណើរបាន ១០០លាននាក់ក្នុងមួយឆ្នាំៗ ហើយការសាងសង់របស់វាគឺចេញជាពីរដំណាក់កាល ចាប់ពីឆ្នាំ២០៤០ទៅ វានឹងក្លាយជាព្រលានយន្តហោះធំជាងគេនៅលើពិភពលោក”។
លោក Wang បានបន្ថែមទៀតថា ព្រលានយន្តហោះខាងលើ នឹងដាក់ឲ្យដំណើរនៅឆ្នាំ២០១៩ ដោយមាន ៤ផ្លូវហោះហើរ ចំណែកផ្លូវហោះហើរ២ទៀតនឹងបម្រើការជូនអ្នកដំណើរក្រោយសាងសង់ហើយដំណាក់កាលទី២ ឆ្នាំ២០៤០។
បញ្ជាក់ផងដែរថា បច្ចុប្បន្នព្រលានយន្តហោះអន្តរជាតិ Los Angeles នៅរដ្ឋកាលីហ្វ័រញ៉ា សហរដ្ឋអាមេរិក គឺជាព្រលានយន្តហោះធំជាងគេលើលោក ដែលអាចសម្រួលដល់ការធ្វើដំណើរដល់អ្នកដំណើរបាន ៩៦លាននាក់ក្នុងមួយឆ្នាំៗ៕
No comments:
Post a Comment