ម្ដាយរបស់ភេរវជនម្នាក់ក្នុងការបំផ្ទុះគ្រាប់បែក និងបាញ់រះនៅប៉ារីសបានអះអាងថា កូនប្រុសរបស់គាត់បានធ្វើអត្តឃាតដោយបំផ្ទុះគ្រាប់បែកខ្លួនឯងដោយសារតែកើតអារម្មណ៍ស្រ្តែស។
ម្ដាយរបស់ភេរវជនឈ្មោះ Ibrahim Abdeslam អាយុ៣១ឆ្នាំ ដែលបានបំផ្ទុះគ្រាប់បែកនៅហាងកាហ្វេ Comptoir Voltaire ក្បែរកីឡដ្ឋាន Stade de France បានធ្វើឲ្យមនុស្ស១៥នាក់រងរបួសបាននិយាយថា៖ “កូនខ្ញុំមិនមានបំណងសម្លាប់នរណាម្នាក់ឡើយ” ។ ចំណែកកូនប្រុសរបស់អ្នកស្រីម្នាក់ទៀតគឺឈ្មោះ Salah Abdeslam អាយុ២៦ឆ្នាំ ពាក់ព័ន្ធនឹងការជួលឡានប្រើប្រាស់ក្នុងការវាយប្រហារដែលស្ថិតក្រោមការតាមប្រមាញ់ពីប៉ូលិស។
ម្ដាយរបស់ភេរវជនបាននិយាយក្នុងបំណងការពារកូនៗរបស់ខ្លួនថា៖ “វាមិនមែនជាគម្រោងការអ្វីនោះទេ។ ហេតុការណ៍ធ្វើអត្តឃាតបំផ្ទុះនោះគឺមិនបានសម្លាប់នរណាម្នាក់ឡើយ “។
គ្រួសាររបស់ភេរវជន បានរៀបរាប់ប្រាប់ឲ្យដឹងទៀតថា បានឃើញ Ibrahim ពីរថ្ងៃមុនហេតុការណ៍វាយប្រហារនៅប៉ារីសបានកើតឡើង ហើយពុំមានសញ្ញាបង្ហាញថា ពួកគេបានរៀបគម្រោងការណ៍ធ្វើអំពើហិង្សាណាមួយនោះទេ។ ពួកគេថា Ibrahim ធ្លាប់បានរស់នៅក្នុងប្រទេសស៊ីរីកន្លងមកដែរ។
Ibrahim Abdeslam ត្រូវបានគេកំណត់អត្តសញ្ញាណថា ជាអ្នកជួលឡានសម្រាប់ប្រើប្រាស់ក្នុងការវាយប្រហារនៅខាងក្រៅនៃភោជនីយដ្ឋាន Casa Nostra និងហាងកាហ្វេ Belle Equipe ដែលធ្វើឲ្យមនុស្សស្លាប់ប្រហែល១៣ទៅ១៤នាក់ និងជាច្រើនរយនាក់រងរបួស៕
ដោយ មុន្នី proleng khmer
No comments:
Post a Comment