អ្នកដឹងថាវាគឺជាស្នេហាដ៏ពិតប្រាកដមួយ បើសិននរណាម្នាក់ហ៊ានលះបង់អ្វីគ្រប់យ៉ាងដើម្បីនៅក្បែរខ្លួនអ្នក បើទោះជាអ្នកគ្មានប្រាក់មួយកាក់នៅជាប់ខ្លួនក៏ដោយ។
នៅគ្រាទើបស្គាល់គ្នា Jayden គឺជាបុរសម្នាក់ដែលគ្មានអ្វីទាល់តែសោះ សូម្បីតែយានជំនិះដើម្បីធ្វើដំណើរ ហើយតែងតែជិះឡានក្រុងទៅធ្វើការជារៀងរាល់ព្រឹក។ យ៉ាងណាក៏ដោយ Tiffany ដែលជាមិត្តស្រីរបស់លោកតែងតែនៅក្បែរលោក ហើយក៏មិនដែលគិតពីរឿងបែកគ្នាដែរ។ អ្នកទាំងពីរបានព្យាយាមជម្នះគ្រប់ឧបសគ្គដើម្បីនៅជាមួយគ្នា។ Tiffany តែងតែលើកទឹកចិត្តក៏ដូចជាគាំទ្រមិត្តប្រុសរបស់ខ្លួនជានិច្ច។
នៅលើបណ្ដាញសង្គមរបស់ខ្លួន Jayden បានសរសេរថា “នៅពេលដែលបងនៅចំណុចទាបបំផុតនៅក្នុងជីវិត នៅពេលដែលបងត្រូវការអ្នកលើកទឹកចិត្តបំផុត អូនបាននៅក្បែរហើយអត់ទ្រាំជាមួយបង។ បងសូមសន្យាថា បងនឹងធ្វើអ្វីៗគ្រប់យ៉ាងដើម្បីអូន”។
បច្ចុប្បន្នគូស្នេហ៍មួយគូនេះមានហាងលក់ទូរស័ព្ទផ្ទាល់ខ្លួនមួយ ហើយក៏មានជីវិតធូរធារគ្រប់គ្រាន់ដើម្បីប្រើសម្ភារៈម៉ាកល្បីៗដូចជា Burberry និង Polo Ralph Lauren ផងដែរ៕
No comments:
Post a Comment