បុព្វហេតុដែលធ្វើឲធ្លាក់ដុំឈាមក្នុងកំឡុងពេលមករដូវ
ជាធម្មតាឈាមជាអ្នកប្រឆាំងនឹងការកកស្ទះ ដែលមានជាតិអន្ធិលរបស់ឈាម ហើយមិនធ្វើឲកើតជាដុំឈាម ប៉ុន្តែពេលខ្លះនៅពេលលំហូរឈាមច្រើនខ្លាំងពេក ធ្វើឲអ្នកប្រឆាំងនឹងការកកស្ទះគ្មានពេលវេលាគ្រប់គ្រាន់ដើម្បីធ្វើការ ដូច្នេះធ្វើឲដុំឈាមកើតមានឡើង។ ទោះបីជាយ៉ាងក៏ដោយ វាជារឿងមួយធម្មតាប៉ុណ្ណោះ។
ហេតុផលមួយដែលមិនច្បាស់លាស់បានបង្ហាញថា ដុំឈាមបានក្លាយជាក្តីបារម្ភ នៅពេលដុំឈាមកាន់តែធំឡើងៗ ធំជាងកណ្តាប់ដៃមនុស្សស្រី, បានធ្លាក់មកច្រើននៅពេលមករដូវ, ក្រោយពេលមករដូវ នឹងមានការឈឺចាប់។
ដុំគីសក្នុងអូវែ
ដុំគីសក្នុងអូវែជាបញ្ហាអរម៉ូនមួយរបស់ស្ត្រី។ នៅពេលស្ត្រីទទួលរងគ្រោះដោយសារដុំគីសក្នុងអូវែ បង្ហាញថាសមាមាត្ររវាងអរម៉ូនភេទស្ត្រី, អរម៉ូនអឺសស្ត្រូសែន និងអរម៉ូនប្រូហ្គេស្តេរ៉ូនត្រូវបានរាំងស្ទះ។ ភាពរាំងស្ទះនេះបណ្តាលឲមានរដូវមិនទៀងទាត់ និងធ្វើឲមានឈាមធ្លាក់ច្រើន រួមជាមួយដុំឈាម។
អង់ដូមី
ស្រទាប់ខាងក្នុងនៃស្បូន ដែលត្រូវបានគេទទួលស្គាល់ថាជាអង់ដូមីទ្រីម, ចាប់ផ្តើមលូតលាស់ចេញមកក្រៅស្បូន វាត្រូវបានគេឲឈ្មោះថា អង់ដូមី។ ភ្នាសស្លេស្មនេះដើរតួនាទីដូចជាភ្នាសស្លេស្មធម្មតារបស់អង់ដូមីទ្រីម ហើយចាប់ផ្តើមធ្លាក់ឈាមក្នុងពេលមករដូវ។
ស្រទាប់នេះចេញមកជាលក្ខណៈដុំមូលៗដែលមើលទៅដូចជាដុំធំៗចេញមកនៅពេលមានរដូវ។ អង់ដូមីក៏ធ្វើឲមានការឈឺចាប់ផងដែរ។
ដុំសាច់ក្នុងស្បូន
ជាទូទៅ ដុំសាច់ក្នុងស្បូនកើតឡើងនៅពេលចាប់ផ្តើមកំពុងតែមានកូន។ យោងតាមការប្រមាណមើល ១ភាគ ៥នៃស្ត្រីមានដុំសាច់ក្នុងស្បូន។ ដំណឹងល្អមួយគឺ ដុំសាច់ក្នុងស្បូនជាដុំសាច់ស្លូត។ ដុំសាច់មានដុះនៅក្នុងប្រហោងស្បូន ឬនៅលើស្បូន។
ដុំសាច់អាចជាដុំសាច់ដែលតូចបំផុត អាចមើលឃើញដោយប្រើឧបករណ៏មីក្រូស្កុប ប៉ុន្តែវានៅតែលូតលាស់យឺតៗរហូតដល់ស្ត្រីមករដូវ ហើយវានឹងក្លាយជាដុំធំក្រោយ ១រយៈទៀត។ ជាទូទៅ ដុំសាច់ច្រើនជាងមួយដែលបានដុះនៅក្នុងស្បូនស្ត្រី។ ដុំសាច់ទាំងនេះងាយនឹងប៉ះពាល់ដល់អរម៉ូនអឺសស្ត្រូសេន។ ក្នុងពេលកំពុងមានរដូវ នៅពេលកម្រិតនៃអរម៉ូនអឺសស្ត្រូសែនរបស់ស្ត្រីលូតលាស់ឡើង, ដុំសាច់ទាំងនេះក៏លូតលាស់ឡើងផងដែរ ហើយការលូតលាស់របស់វាធ្វើឲមានលំហូរឈាមមកច្រើនជាមួយនឹងដុំឈាមធំៗ។
ដុំសាច់តូចៗ
ដុំសាច់តូចៗដែលដុះនៅលើស្បូនធ្វើឲប្រហោងស្បូនប៉ោងឡើង។ ប្រសិនបើដុំសាច់ទាំងនេះដុះកាន់តែធំឡើងៗ វានឹងរារាំងការលំហូរឈាមចេញពីស្បូននៅពេលមានរដូវ។
កត្តាជំងឺរ៉ាំរ៉ៃផ្សេងៗ
កត្តាជំងឺរ៉ាំរ៉ៃផ្សេងៗនៅក្នុងរាងកាយអាចប៉ះពាល់ដល់សមតុល្យរវាងអរម៉ូនភេទទាំង ២របស់ស្ត្រី ហើយក៏អាចបណ្តាលឲធ្លាក់ដុំឈាមក្នុងពេលមករដូវ។
កត្តាទាំងនេះរួមមាន៖ ការឡើងទម្ងន់ និងការស្រកទម្ងន់ភ្លាមៗ, ប្រើថ្នាំកម្លាំង, មានបំលាស់ប្តូរកម្រិតអរម៉ូនដោយសារអស់រដូវ, ប្រើឱសថការពារមិនឲមានកូន ឬបញ្ហាមានកូន…។
ស្បូនរីកធំ
ក្នុងកំឡុងពេលមានផ្ទៃពោះ ទំហំនៃស្បូនចាប់ផ្តើមរីកធំឡើង ដើម្បីផ្ទុកការលូតលាស់របស់ទារក។ ក្រោយពេលសម្រាលរួច ស្បូនចាប់ផ្តើមរួមតូចទៅភាពដើមវិញ។ ពេលខ្លះ នៅពេលស្បូនមិនរួមតូចទៅរូបរាង និងទំហំដូចដើមទេ បណ្តាលឲមានបរិមាណឈាមច្រើននៅក្នុងស្បូន។ ឈាមនេះនឹងក្លាយជាដុំឈាមនៅខាងក្នុងស្បូន មុនពេលធ្លាក់ចេញមក ហើយលទ្ធផលដុំឈាមនឹងកាន់តែធំឡើងក្នុងពេលមករដូវ។ ប្រសិនបើការធ្លាក់ដុំឈាមក្លាយជាភាពឈឺចាប់ គួរតែទៅជួបនឹងអ្នកជំនាញដើម្បីរកមើលភាពមិនប្រក្រតី៕
ដោយ មុន្នី proleng khmer
No comments:
Post a Comment