សារព័ត៌មាន TuttoMercato បានផ្សាយថា កីឡាករ Xabi Alonso ចាប់អារម្មណ៍ការវិលត្រលប់មកកាន់ទឹកដី Anfield ទីដែលគេធ្លាប់ប្រកបអាជីពបាល់ទាត់កាលពីចន្លោះឆ្នាំ ២០០៤ ដល់ ២០០៨ជាមួយក្រុមហង្សក្រហម Liverpool។
ដំណឹងនេះលេចឡើង ស្របពេលដែលកុងត្រារបស់ខ្សែបម្រើវ័យ៣៤ឆ្នាំ ជាមួយ Bayern Munich នឹងផុតកំណត់នៅចុងរដូវកាលនេះ។ Alonso គឺជាកីឡាករម្នាក់ដែលជួយ Liverpool ក្នុងជ័យជម្នះវគ្គផ្ដាច់ព្រ័ត្រ Champions League កាលពី២០០៥ នៅ Istanbul ហើយរូបគេក៏រួមចំណែកនាំ Real Madrid ឈ្នះពានរង្វាន់ដដែលនេះ ក្នុងឆ្នាំ២០១៤ ផងដែរ។
ជាមួយនឹងអនាគតមិនច្បាស់លាស់ជាមួយក្លិបបច្ចុប្បន្ន ស្របពេលវ័យឈានចូល៣៤ឆ្នាំទៅហើយ គេមិនរំពឹងនោះទេថា Alonso អាចនឹងត្រូវក្រុមដែលដឹកនាំដោយលោក Pep Guardiola ផ្តល់កុងត្រាថ្មីឲ្យនោះ។
កាលពីពេលកន្លងទៅ អតីតយុវជន Real Sociedad រូបនេះធ្លាប់បង្ហាញអារម្មណ៍ចង់ត្រលប់ទៅ Anfield តាមរយៈការនិយាយថា៖ “ខ្ញុំរីករាយនឹងការវិលទៅកាន់អង់គ្លេសវិញជានិច្ច”។
យ៉ាងណាក៏ដោយ បើសិនជា Alonso ចាកចេញពី Bundesliga ក្រុម Liverpool អាចនឹងត្រូវប្រជែងជាមួយក្រុមមួយចំនួនផ្សេងទៀតដូចជាក្លឹបបាល់ទាត់អាជីពក្នុងប្រទេសកាតារ និងក្លិបបាល់ទាត់នៅអាមេរិក ដើម្បីនាំយករូបគេជាលើកទី២៕
Alonso កាលលេងនៅ Liverpool
ដោយ មុន្នី proleng khmer
No comments:
Post a Comment